இந்தியாவில் இருந்து கொண்டு உளவு வேலை பார்க்கும் சீன நிறுவனங்கள்.
ஹுவேய் உள்பட இந்தியாவில் செயல்படும் நான்கு சீன நிறுவனங்கள் சீன மக்கள் விடுதலைப் படை (PLA)க்கு உளவு வேலை பார்த்திருக்கலாம் என அரசின் கவனத்துக்கு வந்திருக்கிறது.
சீனாவின் மக்கள் விடுதலை இராணுவத்துடன் தொடர்பு கொண்ட நான்கு சீன நிறுவனங்களை மைய அரசு அடையாளம் கண்டுள்ளது. இந்த சீன நிறுவனங்கள் சீன இராணுவத்திற்கு அயல்நாட்டில் இருந்து கொண்டு உளவு தகவல்களை வழங்குகின்றன. இதற்கு ஆதாரம், சீனாவில் இயற்றப்பட்ட (2017) புலனாய்வு சட்டம் அரசாங்க அதிகாரிகள் சந்தேக நபர்கள் மீது சோதனைகளை நடத்த அனுமதிக்கிறது. மேலும் இது போன்ற கண்காணிப்புகளை மேற்கொள்ள சீன நிறுவனங்களான ஹுவேய், ZTE, மற்றும் டிக்டோக் ஆகியவைகளை நியமித்துள்ளது. இந்த நிறுவனங்கள் எங்கிருந்து செயல்பட்டாலும், சீனாவின் உளவுத்துறை நிறுவனங்களுக்கு தகவல்களை வழங்க வேண்டிய கட்டாயத்தில் உள்ளன என்ற அதிர்ச்சியூட்டும் தகவல்கள் வெளியாகியுள்ளன.
சீன மக்கள் விடுதலை இராணுவம் எனப்படும் PLAவுடன் தொடர்புகளைக் கொண்ட நான்கு சீன நிறுவனங்கள் கீழே பட்டியலிடப்பட்டுள்ளன.
ஜிண்டியா ஸ்டீல்ஸ் லிமிடெட்
இந்தியாவுக்கும் சீனாவுக்கும் இடையிலான ஒரு கூட்டு நிறுவனமான ஜிண்டியா ஸ்டீல்ஸ் சமீபத்தில் 250 கோடி ரூபாய் செலவில் கர்நாடகாவில் இரும்புத் தாதுத் துகள்களை கட்டிகளாக மாற்றும் ஒரு தொழிற்சாலையை நியமித்தது. அதன் முக்கிய முதலீட்டாளர் ஜிங்க்ஸிங் கேத்தே குழுமம். முதலில் பி.எல்.ஏ இன் பொது தளவாடத் துறையின் ஒரு பகுதியாக இருந்தது.
ஜின்க்சிங் கேத்தே சர்வதேச குழு
ஜின்க்சிங் கேத்தே சத்தீஸ்கரில் ஒரு உற்பத்தி அலகு உள்ளது. இந்நிறுவனம் விரைவில் இரும்புத் தாதுக்களை எடுக்கும் இடம் மற்றும் அவற்றின் தரம் குறித்து ஆய்வு செய்ய ஒரு குழுவை அனுப்ப உள்ளது. இக்குழு ஏற்கனவே 30,000 டன் இரும்புக் குழாய்களை இந்தியாவுக்கு வழங்கியுள்ளது.
சீனா எலெக்ட்ரானிக்ஸ் டெக்னாலஜி குரூப் கார்ப்பரேஷன்
இரண்டு ஆண்டுகளுக்கு முன்பு ஆந்திராவில் 200 மெகாவாட் பி.வி உற்பத்தி நிலையத்தில் 46 மில்லியன் டாலர் முதலீடு செய்ய சி.இ.டி.சி உறுதியளித்தது. சி.இ.டி.சி சீனாவின் முன்னணி இராணுவ மின்னணு தயாரிப்பாளராகவும் உள்ளது. அவர்களின் பல ஆராய்ச்சி நிறுவனங்கள் பாதுகாப்பு காரணங்களுக்காக அமெரிக்க அரசாங்கத்தின் விசாரணையின் கீழ் உள்ளன.
ஹூவேய்
இந்த பிராண்டின் ஸ்மார்ட்போன்கள் இந்தியாவில் பிரபலமாக உள்ளன, ஆனால் பெரும்பாலான இந்தியர்களுக்குத் தெரியாதது என்னவென்றால், நிறுவனத்தை நிறுவிய ரென் ஜெங்ஃபீ, பி.எல்.ஏ இன்ஜினியரிங் கார்ப்ஸின் முன்னாள் துணை இயக்குநராக இருந்தவர். இந்த நிறுவனம் 2018-19 நிதியாண்டில் தனது இந்திய வணிகத்தில் இருந்து ரூ.12,800 கோடி வருவாய் ஈட்டியது.
ஏற்கனவே அமெரிக்கா, ரஷ்யா, இங்கிலாந்து, இஸ்ரேல போன்ற நாடுகள் இது போன்று தமது உளவு ஆட்களை வெவ்வேறு நிறுவனத்தின் பணியாளர்கள் வடிவில் வெளிநாடுகளுக்கு அனுப்பி உளவுத் தகவல் சேகரிக்கும் வேலைகளை செய்துவந்துள்ளன.
சீனாவும் இந்த நடவடிக்கைகளில் பெருமளவில் ஈடுபட்டுவந்துள்ளது அதிர்ச்சியூட்டும் செய்தியாக உள்ளது. ஏனெனில் சீன வணிகங்கள் அனைத்துமே சீன கம்யூனிஸ்ட் கட்சியாலும், சீன ராணுவத்தாலும் நிர்வகிக்கப்படுபவை. அதாவது சீன அரசும் கட்சியும் தான் முதலாளிகள். சீனாவின் இந்த நடவடிக்கைகள் சர்வதேச உறவுகளின் நம்பிக்கைக்கு விரோதமானவை என்ற அடிப்படையில் இந்திய அரசும், மற்ற நாடுகளும் சீனாவை உலக அமைப்புக்களில் இருந்து தனிமைப்படுத்த வேண்டும் என்கிற கட்டாயம் எழுந்துள்ளது. இந்தியாவில் உள்ள காங்கிரஸ், மற்றும் இரண்டு கம்யூனிஸ்ட் கட்சிகளின் தலைவர்கள் தொடர்ந்து சீனாவுக்கு ஆதரவாக செயல்பட்டுவருவதின் அடிப்படையில் இந்த உளவு வேலைகளை இணைத்துப் பார்த்தால் தேசத்துரோகிகள் சீனாவின் வணிகங்களில் முதலீடு செய்திருக்கவேண்டும் என்று புரிகிறது. UPA ஆட்சிக் காலத்தில் இந்திய காங்கிரஸ் கட்சியின் தலைவராக இருந்த சோனியா காந்தி, ராகுல் காந்தி போன்றோர் சீனாவுக்கு சென்று அங்கேயுள்ள சீன கம்யூனிஸ்ட் கட்சியுடன் ஒப்பந்தங்களை மேற்கொண்டு விட்டு வந்தது நினைவிலிருக்கிறதா?
சீனாவின் இந்திய முதலீடுகளில் இந்த தேசத் துரோகிகளின் பங்கும் இருக்கக் கூடும் என்ற ஐயம் எழாமலில்லை. UPA2 ஆட்சிக் காலத்தில் தான் உலகளாவிய ஊழல்கள் இந்தியாவில் நடந்தன. அதில் கொள்ளையடித்த ஊழல் பணம் வெளிநாட்டுக்கு திருட்டுத்தனமாக கொண்டு செல்லப்பட்டு அவை மீண்டும் அந்நிய நேரடி முதலீடுகளாக இந்தியாவுக்குள் வணிக முதலீடுகளாக திரும்பக் கொண்டு வரப்பட்டன என்று சந்தேகிக்கப்பட்டது. அதன் அடிப்படையில் இந்திய அரசு விசாரணை செய்தால் நிறைய ஊழல் முதலைகள் சிக்கும் வாய்ப்புள்ளது.
அப்படித் தொடர்புகள் இருக்கும் பட்சத்தில், உளவு நிறுவனங்களில் முதலீடு செய்ததற்காக இவர்கள் மீது தேசத் துரோக வழக்குகளைப் போட்டு கடுமையான தண்டனைகளை வழங்க வேண்டும்.
