போட்டியாளரான கௌதம் அதானி 24-வது இடத்திற்குத் தள்ளப்பட்டதை அடுத்து, முகேஷ் அம்பானி ஆசியாவின் மிகப் பெரிய பணக்காரராக மீண்டும் தனது இடத்தைப் பிடித்துள்ளார்.
ஜனவரி 24 அன்று அதானி 126 பில்லியன் அமெரிக்க டாலர் மதிப்புள்ள உலகின் மூன்றாவது பெரிய பணக்காரராக இருந்தார். ஆனால், ஹிண்டன்பர்க் ரிசர்ச் வெளியிட்ட அறிக்கை, அவரது நிறுவனங்களின் பங்குகளை பெரும் சரிவடையச் செய்தது.
அதானி அவர்களது நிகர மதிப்பு இப்போது 47.2 பில்லியன் அமெரிக்க டாலர்கள் மற்றும் அம்பானிக்கு அடுத்தபடியாக இரண்டாவது பணக்கார இந்தியர் ஆவார்.
83.4 பில்லியன் அமெரிக்க டாலர் நிகர மதிப்புடன், 65 வயதான முகேஷ் அம்பானி, உலக பில்லியனர் பட்டியலில் 9வது இடத்தினை தற்போது பிடித்துள்ளார்.
“கடந்த ஆண்டு, அம்பானியின் ரிலையன்ஸ் இண்டஸ்ட்ரீஸ் 100 பில்லியன் டாலர் வருவாயைத் தாண்டிய முதல் இந்திய நிறுவனமாக ஆனது” என்று ஃபோர்ப்ஸ் பத்திரிகை தெரிவித்துள்ளது.
அம்பானி, கடந்த ஆண்டு தனது வாரிசு களுக்கு முக்கியப் பொறுப்புகளை அளித்ததன் மூலம் வாரிசு பற்றிய ஊகங்களை புறக்கணித்தார்: மூத்த மகன் ஆகாஷ் தொலைத்தொடர்பு நிறுவனமான ஜியோ இன்ஃபோகாமின் தலைவர்; மகள் ஈஷா சில்லறை வணிகத்தின் தலைவி; மற்றும் இளைய மகன் ஆனந்த் ரிலையன்ஸின் புதிய ஆற்றல் முயற்சிகளில் பணிபுரிகிறார்.
உலகின் 25 பணக்காரர்களின் மொத்த மதிப்பு 2.1 டிரில்லியன் டாலர்கள், ஃபோர்ப்ஸின் உலக பில்லியனர்கள் பட்டியலின்படி, 2022 இல் 2.3 டிரில்லியன் அமெரிக்க டாலர்களில் இருந்து 200 பில்லியன் டாலர்கள் குறைந்துள்ளது என தெரிகிறது.
