சவூதி அரேபியாவின் பட்டத்து இளவரசர் முகமது பின் சல்மான் தனது நாட்டின் எதிர்காலத்தை எண்ணெய் வளத்தை தாண்டிய ஒன்றாக அமைக்க திட்டமிட்டுள்ளார்.
சவூதியில் கார்கள், சாலைகள் இல்லாத நகரம் ஒன்றை வடிவமைக்கிறார் இளவரசர். இதனை வேறு மாதிரியாக சொல்லப்போனால் அந்த நகரம் கார்பன் உமிழ்வு இல்லாத நகரமாக இருக்கும்.
நியோம் என்று பெயரிடப்பட்டுள்ள 170 கிலோமீட்டர் நீளமுள்ள (106 மைல் நீளமுள்ள) இந்த கனவு நகரம், தனது 500 பில்லியன் டாலர் திட்டத்தின் ஒரு பகுதியாக இருக்கும் என்று கிரீடம் இளவரசர் சமீபத்தில் ஒரு தொலைக்காட்சி உரையில் தெரிவித்தார்.
முதல் காலாண்டில் கட்டுமான பணிகள் தொடங்க திட்டமிடப்பட்டுள்ளது.
தி லைன் என்று செல்லமாக அழைக்கப்படும் இந்த பகுதி நடைபயிற்சி செய்யக்கூடிய “கார்கள் மற்றும் சாலைகள் இல்லாமல் இயற்கையைச் சுற்றி கட்டப்பட்ட, நிறைய பேர்களின் எதிர்காலக் கனவுகளின் மிகைப்படுத்தப்பட்ட சமூகங்களின் வாழ்விடமாக இது அமையலாம் என்று சமூக அறிவியலார் கூறுகின்றனர்.
எதிர்வரும் 2030 ஆம் ஆண்டில் நியோம் நகரத்தில் 1 மில்லியன் குடியிருப்பாளர்கள் இருப்பார்கள். அவர்கள் 380,000 வேலைவாய்ப்புகளை உருவாக்குவார்கள். மற்றும், இந்த உள்கட்டமைப்பை உருவாக்க 100 பில்லியன் டாலர் முதல் 200 பில்லியன் டாலர் வரை செலவாகும் என்று சவூதி இளவரசர் கூறினார்.
உலகின் மிகப்பெரிய கச்சா எண்ணெய் ஏற்றுமதி செய்யும் எண்ணெய் வளப்பொருளாதாரத்தை பன்முகப்படுத்த விரும்பும் சவூதி இளவரசர் முகமதுவின் கிரீடத்தில் இது ஒரு வைரமாக ஜொலிக்கும்.
நியோம் எனப் பெயரிடப்பட்டு, கடந்த 2017 ஆம் ஆண்டில் அறிவிக்கப்பட்ட இந்த திட்டம் நாட்டின் வடமேற்கின் தொலைதூர பகுதியில் 10,000 சதுர மைல்களுக்கு மேல் பரவியுள்ளது. இது புதிய தொழில்நுட்பங்கள் மற்றும் வணிகங்களுக்கான மையமாக மாறும். இந்த திட்டம் ஒரு “தைரியமான மற்றும் துணிச்சலான கனவு” என்று அதன் இணையதளத்தில் விவரிக்கப்பட்டுள்ளது.
இந்த திட்டம் தொடங்கப்பட்டதிலிருந்து பலரது ஐயங்களுக்கு, அரசியல் சர்ச்சைக்கும் இடமாகிவரும் ஒன்றாக உள்ளது.
இது நடைமுறைக்கு சாத்தியமானதுதானா? மற்றும் தேவையான முதலீட்டை இந்தத் திட்டத்தால் ஈர்க்க முடியுமா என்று ஆய்வாளர்கள் கேள்வி எழுப்புகின்றனர்.
இந்த முதலீட்டின் முதுகெலும்பு சவுதி அரசாங்கம், பிஐஎஃப் மற்றும் உள்ளூர் மற்றும் உலகளாவிய முதலீட்டாளர்கள் இந்த திட்டத்தின் ஆதரவாளர்களாக உள்ளனர்.
வரும் 10 ஆண்டுகளில் நியோமுக்கு 500 பில்லியன் டாலர் மேற்குறிப்பிட்ட அனைவரின் ஆதரவிலிருந்தும் வரும்” என்று இளவரசர் செய்தியாளர்களிடம் கூறினார்.
மேலும் அவர் சவுதி அரேபியாவின் பொது முதலீட்டு நிதியத்தைப் பற்றி குறிப்பிட்டார்.
இந்த கனவுத் திட்டத்தின் அறிவிப்பு, பட்டத்து இளவரசர் முகமது தனது இராஜாங்கத்தின் எண்ணெய்க்குப் பிந்தைய வாழ்க்கையைப் பற்றி எந்த அளவிற்கு சிந்திக்கிறார் என்பதைக் காட்டுகிறது, இந்த முதலீடு இது 2020 ஆம் ஆண்டில் கச்சா எண்ணெய் மூலம் வரும் அரசாங்க வருவாயில் பாதிக்கும் மேலானது.
“வளர்ச்சிக்காக இயற்கையை தியாகம் செய்வதை நாங்கள் இனி ஏற்றுக் கொள்ளப்போவதில்லை”
உயர்ந்து வரும் கடல் மட்டங்கள் மற்றும் கார்பன் வெளியேற்றத்தை மேற்கோள் காட்டி இளவரசர் இதனைக் கூறினார்.
நியோம் நகரம் “கார்கள் இல்லாத, வீதிகள் இல்லாத, கார்பன் உமிழுவுகள் இல்லாத” மனிதகுலத்திற்கான புரட்சியாக” இருக்கும் என்றார் இளவரசர்.
.
தி லைன் என்று அழைக்கப்படும் இந்த பகுதிக்குள் எந்த பயணமும் 20 நிமிடங்களுக்கு மேல் இருக்காது என்று அவர் கூறினார்.
இந்த நகரம் “அதிவேக போக்குவரத்து மற்றும் தானியங்கிகள் கொண்ட திட்டங்களை ஒட்டி கட்டமைக்கப்படும் என்கிறார் இளவரசர்.
உலக நாடுகள் அனைத்தும் சூரிய ஒளி மின்சாரத்தால் இயங்கவல்ல ஊர்திகளை பயன்படுத்துவது என பெரிய அளவில் திட்டமிட்டு செயல்படும் இந்த சூழலில் எண்ணையை அடிப்படையாக கொண்ட வளைகுடா நாடுகள் தமது இருப்பை தக்க வைக்க மாற்று எரிபொருள் திட்டங்களை சார்ந்து திட்டமிட வேண்டிய கட்டாயத்தில் உள்ளன. இந்த சூழலில் சவூதி இளவரசரின் இந்த கனவுத் திட்டம் எண்ணெய் வளங்களை சாராதாதா எரிபொருளை ஊக்குவிக்கும் வாய்ப்பாக மாறும். அந்த அளவில் இளவரசரின் இந்த கனவுத் திட்டம் வரவேற்கப்படக் கூடிய ஒன்றாகும்.
